O Atlantic Pride quenta xa motores para a súa 6ª edición, coa confirmación dos primeiros nomes de artistas que formarán parte do seu cartel neste 2025. Cinco grandes divas do pop español, Judeline, Edurne, Nia, Merche e Paula Koops, encherán A Coruña de cor e diversión cunhas voces que farán as delicias de diversas xeracións.
Unha das figuras máis destacadas na neotradición musical actual, Judeline, aterrará nos Xardíns de Méndez Núñez da cidade herculina o venres 11 de xullo co seu célebre pop experimental, do que son seguidores os mesmísimos Rosalía e Bud Bunny, que fai referencias aos estilos máis diversos, como o flamenco, o trap, o R&B ou o reguetón. Antes de visitar A Coruña, Judeline levará o seu cautivador Joropo a Coachella este mes de abril, onde compartirá escenario con estrelas mundiais como Lady Gaga, Charli XCX ou Travis Scott.
Tamén o venres 11 de xullo fará a súa aparición no Atlantic Pride unha das promesas da nova onda pop española, Paula Koops, cun son propio que lembra con nostalxia a unha fusión dos estrañados anos 2000 coas tendencias musicais actuais.
O sábado 12 de xullo, chegaralle a súa quenda a Edurne, con temas pegadizos de dance e pop de reminiscencias ‘dousmileiras’, do seu actual éxito Éxtasis ao eurovisivo Amanacer, cos que a representante de España en Eurovisión 2015 e participante de Operación Triunfo fai 20 anos demostrará que atópase no seu mellor momento de forma.
Pola súa banda, o xoves 10 de xullo, tamén nos Xardíns de Méndez Núñez, Merche poñerá a bailar ao público ao son de himnos pop como Abre tu mente ou No me pidas más amor. O mesmo xoves 10 de xullo, a gañadora de Operación Triunfo 2020, Nia, non defraudará aos seus fans co seu pop latino, xa sexa melódico ou de vangarda, para presentar os temas do seu álbum PALOSANTO.
Coñecido como o ‘Orgullo do Norte’, o Atlantic Pride celebrará a súa 6ª edición na Coruña do 6 ao 13 de xullo de 2025. Trátase dun festival pioneiro, gratuíto e inclusivo nacido na cidade herculina no ano 2019, destinado a reivindicar a liberdade afectiva, sexual e de identidade dende unha perspectiva lúdica e inclusiva. A cita, que na súa pasada edición reuniu a máis de 25.000 persoas, está impulsada pola Asociación Orgullo Coruña -ORCO- e o Concello da Coruña e conta co apoio da Deputación da Coruña e o patrocinio principal de Estrella Galicia, Coruña The Style Outlets e Globalgrafic.
Neste 2025, o Atlantic Pride regresa como un espazo de celebración aberto, seguro e diverso, como referente dos ‘Orgullos’ que se celebran no comenzo do verán ao longo da Península e no que, un ano máis, se darán cita coloridas propostas para todos os públicos.
Así, no Atlantic Pride 2025 non faltarán concertos de inspiración eurovisiva, grandes nomes do pop galegos, nacionais e internacionais, divertidas actuacións de drags, pinchadas de djs de referencia da escena galega e a celebración do IV Certame Literario de Literatura LGTBI+, que na súa pasada edición rexistrou o seu récord de participación.
BIOGRAFÍAS DAS PRIMEIRAS ARTISTAS CONFIRMADAS PARA O ATLANTIC PRIDE 2025
Judeline
Lara Fernández (Xerez da Fronteira, 2003) parece que viva no futuro, pero canta como ninguén a tradición do presente. Co seu proxecto Judeline entende tan ben o pop que é capaz de estirar os seus límites, tocando desde as herdanzas territoriais ata a dixitalización dos medios. Nesta época neo-tradicionalista os pícaros cruzan Xibraltar e as tonadilleiras son poliamorosas. Ninguén como ela soubo integrar no lugar onde tiña que estar. Criada no edén de Caños de Meca, nunha familia que entendía o valor da música, aprendeu a tararear antes que a balbucir. Hábil co piano, a guitarra e o catro vernezolano, pero tamén sobre os beats e co ‘pitcheo’. Sexa facendo unha versión a Lola Flores, sampleando a Antonio Carmona ou traballando con produtores da talla de Tainy ou Alizzz, mantén o seu pulso ao tempo e con todo o nivel.
Desde os 17 anos vive en Madrid, onde visitou todas as jam sessions e estudos de gravación que se lle puxeron ao toque. Co seu tándem de produtores Tuiste e Mayo, publicou un primeiro EP, de la luz (2022), recomendado polos mesmísimos “popes” do novo pop, Rosalía e Bad Bunny, que, como ela, entenden a experimentación como parte do proceso ao mainstream.
Desde entón, o name-dropping de recoñecementos foi de escándalo. É a Up Next España de agosto de 2023 en Apple Music, forma parte do programa DSCVR Artists To Watch de Vevo e é a primeira artista española en aparecer na serie Spotify Singles, versionando a Shakira, Alejandro Sanz e a Yahritza e a súa Esencia. Marcas como Adidas ou El Corte Inglés fixérona anfitrioa das súas campañas e protagonizou o vídeo Un tren de Navidad, de Vogue España, celebrando a súa vinculación coa moda e as novas tendencias.
Despois de gañarse o ceo da audiencia coas súas cancións Canijo e 2+1, abre esta nova etapa cunha xira europea teloneando a J Balvin. E, por suposto, coa súa xa esperada posta de longo, un álbum coproducido con Rob Bisel (SZA, Tate McRae…), Mayo, Tuiste e Drummie, do que xa nos adiantou o chill-house de mangata. Agora dirán que as tradicións só as dita o tempo, pero Judeline ten todas as cartas na súa baza para ser a que lidere a actual xeración.
Edurne
Falar de Edurne é falar de profesionalidade e dunha carreira de éxitos. Desde o seu paso por Operación Triunfo, hai 20 anos, non parou de traballar e cultivar logros ao longo da súa traxectoria.
Un total de oito discos con estilo ‘dosmileiro’ avalan á artista madrileña. Disco de Ouro polos seus álbumes Edurne e Amanecer, número uno en vendas con Catarsis e máis de dez anos de promocións e xiras. O seu tema Demasiado tarde converteuse nun dos maiores éxitos nacionais de 2019 e unha das cancións máis radiadas do país, acumulando máis de 11 millóns de views en Youtube e preto de 8 millóns de streams en Spotify.
En 2024 edita o seu oitavo disco de estudo, Éxtasis, e convértese rapidamente no primeiro número 1 en vendas oficial de España da carreira da artista. Con máis de catro meses na lista dos máis vendidos, este álbum posiciona a Edurne musicalmente no mellor momento da súa carreira.
Ademais, falamos dunha artista multidisciplinar con longo percorrido en televisión, a cargo de importantes. Formatos como Got Talent (Tele 5), Tu cara me suena (Antena 3) e Idol Kids (Tele5). Ademais, foi representante de España en Eurovisión en 2015. En 2025 incorpórase como coach no maior formato de éxito musical da televisión do noso país: La Voz Kids (Antena 3), onde compartirá panel de xuíces con Lola Índigo, David Bisbal e Manuel Turizo.
Nia
Natural de Las Palmas de Gran Canaria, en 2020 preséntase a Operación Triunfo e convértese na gañadora. Despois lanza o seu primeiro EP, Cuídate, que conta con máis de oito millóns de escoitas en Spotify. Aválanlle colaboracións con artistas da talla de India Martínez, Blas Cantó, Edurne, Nino Vargas, Gente de Zona, Daniel Me estás Matando, Rocco Hunt, Lennis Rodríguez ou María Peláe; colaboracións que terminaron por asentar a proposta musical de Nia tanto nacional como internacionalmente.
Nia foi, ademais, a persoa máis votada polo público e a favorita por excelencia en Tu cara me suena, polas súas grandes interpretacións e espectaculares imitacións. Tamén participou en Dúos increíbles da man de Antonio Carmona. A carreira de Nia segue imparable e, grazas á súa talento multidisplinar, en 2022 foi a protagonista, xunto a Sebastian Yatra e Asier Etxeandia, da primeira serie musical de Netflix España, Érase unha vez… pero ya no.
En 2024 lanza o seu álbum debut PALOSANTO, que se converte rapidamente nun éxito de crítica e público, aguantando tres meses entre os discos máis vendidos do país e logrando nomeamentos a multitude de premios nacionais e internacionais.
A súa versión de Lágrimas negras, xunto á voz orixinal da lenda da música cubana Celia Cruz, lévana a cruzar o charco e converterse nunha das poucas españolas en cantar en formatos de renome internacional como Despierta América, en Estados Unidos.
Merche
Nada en Cádiz e ligada aos escenarios desde que era unha nena, Mercedes Trujillo Callealta, Merche, é unha das cantautoras máis coñecidas deste país, publicando 10 álbums inéditos ata a data.
Despois de conseguir numerosos éxitos ao longo da súa carreira con cancións como No me pidas más amor, Abre tu mente, Le deseo, Eras tú, Cal y arena, Si te marchas… entre outros, con seis discos de platino e catro de ouro, un nomeamento aos Grammys, numerosos premios recibidos ao longo dos seus 21 anos de carreira e os máis de 1.300 concertos dados por todo o país, a carreira de Merche converteuse nunha das máis consolidadas do panorama musical español.
Actualmente atópase promocionando o seu último single Soy superviviente, terceiro capítulo do seu novo proxecto Después de un tiempo, o seu novo proxecto, que consiste na publicación dunha serie de cancións inéditas baseadas nalgúns dos temas máis importantes da súa carreira e que contan como evolucionaron esas historias pasados os anos. Nesta ocasión esta historia é a continuación da historia da canción Abre tu mente.
Paula Koops
Paula Koops é unha xoven cantante, música e compositora que non deixa indiferente a ninguén coas súas cancións. En tan só un ano na industria musical, a artista posicionouse como unha das promesas da nova onda pop española. Os seus temas suman máis de 23 millóns de streams en Spotify, acumula preto de 700.000 oíntes mensuais en plataformas dixitais, as súas cancións e vídeos vólvense virales en TikTok e posicionouse como Artista Radar Global de Spotify.
Paula Koops atopou un son propio, que lembra con nostalxia a unha fusión dos estrañados anos 2000 coas tendencias musicais actuais. As súas letras plasman as súas experiencias persoais, o que lle fixo achegarse a toda unha xeración que ansía conectar cos seus artistas favoritos e verse reflectida nas súas cancións.
Co lanzamento do seu álbum debut, Motel, Paula Koops converteuse na artista revelación de 2025, protagonizando os festivais máis importantes e cunha extensa xira ao redor de España, colgando o cartel de ‘sold out’ na maioría das súas datas, como na mítica sala Riviera de Madrid.
SOBRE O ATLANTIC PRIDE, O ‘ORGULLO DO NORTE’
Impulsado pola Asociación Orgullo Coruña -ORCO- coa colaboración do Concello da Coruña, Atlantic Pride nace no ano 2019 coa vontade de situar ácidade herculina como a capital do bo ambiente e a celebración sen distincións nin barreiras. Trátase dun festival pioneiro, gratuíto e inclusivo, destinado a reivindicar a liberdade afectiva, sexual e de identidade dende unha perspectiva lúdica e inclusiva. O proxecto, que trata de aglutinar a todas as capas da sociedade coruñesa dentro dunha contorna segura e amigable, desenvólvese en torno a varios días de concertos e actividades culturais, entre elas, o seu Certame de Literatura LGTBI+, coa fin de atraer ao público local e de fóra, como un referente cultural, turístico e social e unha das citas imprescindibles do verán no noroeste peninsular.
