Cofidis, entidade financeira especializada na concesión de créditos ao consumo e na financiación de proxectos a particulares, presentou o seu último estudo interno sobre o comportamento dos españois respecto aos préstamos e créditos segundo a súa comunidade autónoma, idade e situación laboral, entre outras variables.
Segundo este informe, as solicitudes de préstamos e créditos por parte dos galegos aumentaron un 4 % en comparación con 2023. Das solicitudes recibidas, un 42 % foron préstamos persoais e un 58 % liñas de crédito. En 2024, a demanda de préstamos en Galicia medrou un 9 %, mentres que a de créditos mantívose estable.
No caso dos préstamos, o importe medio solicitado en 2024 aumentou un 2,6 % respecto a 2023. Pola súa parte, na demanda de créditos, a cantidade media solicitada tivo un incremento do 3,4 % respecto ao ano anterior.
Demanda de préstamos
Galicia representou o 4,5 % do total de préstamos persoais solicitados en España durante 2024. Pola contra, Cataluña foi a comunidade autónoma con máis solicitudes de préstamos, representando o 20,6 % do total, seguida de Madrid (17,3 %) e Andalucía (16,6 %). No lado oposto, respecto ao total das peticións, as provincias onde houbo menos solicitudes foron Melilla e Ceuta. As comunidades que máis aumentaron as súas solicitudes foron Navarra e Madrid, que medraron un 19 % e un 17 %, respectivamente.
A franxa de idade que máis préstamos solicitou o ano pasado foi a dos galegos de entre 39 e 50 anos, que xeraron o 38,2 % da demanda. Séguenlles os de idades comprendidas entre os 26 e 38 anos (29,7 %) e os que teñen entre 51 e 70 anos (27,5 %).
En canto á situación laboral dos galegos, os asalariados (66,4 %), xubilados (10,8 %) e autónomos (8,2 %) foron os colectivos que lideraron o ranking de peticións, mentres que á cola atópanse os estudantes (0,4 %).
As reformas no fogar (55,6 %) e a adquisición dun coche (15,5 %) foron os principais motivos da demanda de préstamos. Porén, as solicitudes que máis medraron foron para viaxes, que aumentaron un 63 %, e os tratamentos dentais, que rexistraron unha subida do 20 %. Pola contra, os préstamos para estudos en Galicia en 2024 caeron un 16 % respecto ao ano anterior.
Respecto á época do ano, abril, maio e outubro foron os meses que concentraron unha maior demanda, representando un 30,8 % do total anual.
Demanda de créditos
A nivel de solicitudes de crédito, Galicia foi a quinta comunidade con maior demanda deste instrumento financeiro en 2024, representando un 4,8 % do total solicitado e aumentando un 1 % respecto ao ano anterior. Cataluña e Andalucía foron as comunidades con máis demanda de créditos en 2024, representando, respectivamente, o 19,8 % e o 17,8 % do total das solicitudes a nivel estatal. A estas comunidades séguenlles Madrid e Valencia. As que tiveron un maior crecemento respecto a 2023 foron Cantabria e Baleares, cunha subida do 9 % e do 7 %, respectivamente.
O 60,3 % das persoas que solicitaron un crédito en Galicia eran asalariadas, mentres que o segundo grupo con máis demanda foron os xubilados, cun 8,9 %. Séguenlles os parados e autónomos, cun 8,8 % e un 7,8 %, respectivamente.
